Badhan:- Wararka naga soo gaarey xarunta gobolka Sool ee Laascaanood ayaa waxay tibaaxayaan in Garaadka Guud ee Beesha Dhulbahante Garaad Jamaca Garaad Cali uu ku wajahan yahay magaalada Buuhoodle ee Gobolka Cayn si uga qeyb qato shir beeleed laga abaabulayo inuu ka qabsooma Buuhoodle.
Garaadka ayaa qorsheenayaa inuu Laascaanood ka anba baxo maalmaha fooda inagu soo haya xaga qaar warbaahinta ka mid ahi ay sheegeen inuu ka anbabaxayo maalinta Berito ah.
Wax garadka Gobolka Sool ayaa in dhoweydba ku hawlanaa wax ka qabadka mashaqadii Laascaanood kadib markii ay ku dagaalameen Maamulada Somaliland iyo Puntland oo kadibna uu maamulka Somaliland la wareegey gacan ku haynta magaaladaas.
Wax garadka ayaa dhowr baaq kasoo saarey in colaada Gobolka Sool la joojiyo iyadoo la eegayo danta shacabka reer Sool oo aan lagu bilaabin qax iyo jab soo food saara.
Bartamaha Sanadkan ayaa Garaadka Guud ee Beesha Dhulbahante waxa uu ku baaqey in shirweyne ay beeshu isugu timaado taas oo lagu falan qeynayo aayaha beesha Saciid Harti.
Magaalada Buuhoodle ayaa hada shirkaas loo xawiley iyadoo markii hore qorshuhu ahaa in caasimada laga dhigo shirka beesha laakiinse ay hada noqotey goob dagaal.
Warar kale oo ka imanaya xarunta Cayne ee Buuhoodle ayaa waxay sheegayaan in magaaladu si weyn isugu diyaarisey shirka beesha iyadoo ay la ciir ciireyso horudhaca wufuuda beesha oo kakala yimi dibada iyo gudahaba.
LaasqorayNET/Badhan