Dhahar:- Dagaal ayaa saaka subaxnimadii ka qarxay magaalada Dhahar ee Gobolka Sanaag, kaas oo u dhexeeya ciidamada ka amar qaata maamulka Puntland iyo kuwa ka amar qaata maamulka Somaliland oo dhuumaaleysi ku yimi Magaalada.

Dagaalka ayaa hadda ka socda dhanka baraagaha, ilaa haddana wax khasaare ah lama soo sheegin , mar aannu la xidhiidhnay dadka magaaladu waxay noo sheegeen iney maqlayaan rasaasta qoryaha ee waaweyn oo ka dhacaysa magaalada dhinaceeda.

Dadaweynaha ayaa nin walbi gurigiisa ku sugan yahay , dhaq-dhaqaaqiina waa joogsaday, iyadoo laga cabsi qabo qax ama tuugo guryaha baadhata.

Gurmadka labada dhinac ayaa laga soo sheegayaa iney si weyn ugu soo fool leeyihiin magaalada Dhahar, iyadoo aan la soconney in ciidanka Somaliland ay shalay galabnimadii halkaa gaadheen.

Kuwa Puntland ayaa iyaguna xalay goor danbe halkaas gaadhey waxana weheliyey wasiirro iyo xildhibaanno uu ka mid yahay Guddoomiyaha barlamaanka, dhammaan musuuliyiinta labada dhinac waxay ku sugan yihiin magaalada Dhahar.

wixii soo kordha kala soco LaasqorayNet iyo Dhahar.com

Advertisements