Boosaaso(AllPuntland)-Deegaanadii shalay ay ku dagaalameen Ciidamada dowlad gobaleedka Puntland iyo kuwa maamulka lamagac baxay Somaliland ayaa waxa ay sheegayaan in maanta xaaladu tahay mid degan.

Wasiir Kuxigeenka Arimaha gudaha Iyo Amniga Puntland Ibraahim Cartan (Xaaji Bakiin) ayaa wuxuu Radio Gaalkacyo u sheegay in Ciidamada Puntland ay ku sugan yihiin gudaha degmada Dhahar isagoo sidoo kale ka hadlay khasaarihii dagaaladii shalay ay geysteen.

Wasiirku xigeenku wuxuu sheegay in Puntland ay ciidamada Soomaliland kaga qabsadeen gaadiid dagaal.

Wasiirku xigeenku wuxuu intaas raaciyay in dagaalkii shalay dhacay ay soo qaadeen Maamulka Lamagacbaxay Soomaliland.

Mar wax laga weydiiyay meelaha Ay ku sugan yihiin ciidamadii Maamulka Somaliland wuxuu sheegay in ay ku suganyihiin xalayna ku hoyden Shimbiraale oo 10 KM kana xiga dhinaca waqooyi galbeed uga beegan Dhahar.

Xaaji Bakiin wuxuu sheegay in Puntland ay diyaar u tahay inay iska difaacdo weerar walba oo lagu soo qaado.

Wasiirku xigeenka arimaha gudaha Puntland wuxuu sheegay khasaare uusan soo gaarin ciidanka Puntland maadaama ay difaac ku jireen.

Dhinaca Somaliland ayaa ayaguna sheeganaya guulo ay dhincooda kasoo hoyiyeen.
CCC Farayaamo
AllPuntland

Advertisements