Last Updated::2007-04-15 13:57:54

Dhahar:-Degmada Dhahar ee Gobolka Sanaag oo ay maalintii shalay Dagaal uu ku dhexmarey
Ciidamada DG Puntland iyo Ciidamo ka socda MG Waqooyi Galbeed ee Somaliland ayaa Maanta Xaaladeedu ay Daganeyd.

Ma’aysan jirin wax Dagaalo ah oo saaka ka dhacay sidoo kale Nawaaxiga Magaalada Hase yeeshee sida ay sheegayaan dadka Deegaanka waxaa jirta in Ciidamo ka socda Deeganada Waqooyi galbeed ay isaga Baxeen Deegaanadi ay horey u joogeen.

DG Puntland aya shaaca waxaa ay ka qaadey maanta in ay Gacanta ku hayaan Maxaabiis ay maalintii shaley Dagaalkii dhacay ay Gacanta ku dhigeen, waxaana ay sheegeen Maamul Goboleedka Puntland in Maxaabiistaan ay Caafimaad Qabaan wax dhibaato ahna aysan haysan.

Wasiirka Warfaafinta ee Puntland C/raxmaan Maxamed Bangax ayaa Saxaafada u sheegey in Ciidamada Puntland ay gacanta ku hayaan Guud ahaan awooda Degmada dhahar.

Waxaana Maanta ku baxey Deegaanka Dhahar Saxafiyiin ka kala socotey Warbaahinta ka hawl Gahsa Puntland si ay indhahooda ugu soo arkaan waxaa ka dhacay maalintii shalay Goobta Dagaalka, iyo Maxaabiista ay sheegeen DG Puntland in ay Gacanta ku dhigeen.

Xiriiro kala Gedisan oo aan la sameeyey Degmada Dhahar ayaan cadeyn in ay jiraan Dad rayid ah oo Dagaalkii shalay wax ku noqotey sida ay shaaciyeen Saxaafada, hase yeeshee waxa la qirey in ay Jiraan Nabarro xoogan oo ku dhacay Ciidamada MG Waqooyi Galbeed kuwaas oo weerar ku soo qaadey Degmada Dhahar, inkasta oo aysan jirin warar dhex dhexaad oo arintaas si dhex dhexaad ah oga warbxinaya.

Si kasta oo ay ahaato lama garanayo Talaabada Xigta ee Maamul Goboleedka Puntland uu ka qaadayo Xiisadaha Ka taagan Deegaanka Gobolka Sanaag ka dib markii ay si buuxda awooda Degmada dhahar ay ula wareegeen.

Mohamed Ali (Dalmar)
Horseednt News Desk

Advertisements