TopStoryWafdi uu horkacayo Madaxweynaha DGPL Gen Cadde Muuse Xirsi iyo Madaxweyne ku xigeenka
DGPL Puntland Xasan Daahir Maxamuud ayaa gaaray fariisimaha Ciidanka Daraawiishta ee Puntlland oo dhawaan laga qab saday Magaalada Laascaano iyagoo wafdigaan ay kulan la qaatay Saraakiisha Ciidanka Puntlland iyo weliba Garaad Saleebaan Garaad Maxamed.

Wafdigaan ayaa waxaa uu ka kooban yahay xubno ka tirsan golayaasha Puntllad Golaha Wasiirada iyo Golaha Baarlamaanka iyo weliba Gudiga amniga difaaca oo uu dhawaan sameeyey Madaxweynaha Puntlland Cadde Muuse Hirsi

Wariyaal ka tirsan saxaafada Puntlland ayaa markii ugu horaysay loo ogolaaday inay raacaan wafdigaan inkastoo loo diiday inay sawiro ka qaadaan fariisimaha Ciidanka & iyadoo ilaalada la socotay Wafdigaan ay saxaafada uga digeen inay wax sawiro ah ka qaadaan fariisimaha ciidanka iyadoo Wariyaal ka socday Wasaarada warfaafinta Puntlland loo ogolaaday oo kaliya inay sawiro ka qaadaan wafdiga iyo saraakiisha Ciidanka.

Booqashada Madaxweynaha Puntlland iyo wafdigiisu ayaa ku soo aaday iyadoo wafdi ka socda Maamulka Soomaaliland oo u dhashay Gobolka Sool la filayo inuu soo gaaro Magaalada Laascaano saacadaha soo socda.

Cadde Muuse ayaa kulan dheer la qaatay Maamulkii Magaalada Laascaano iyo welina Garaad Saleebaan sida uu noogu soo waramayo wariyaha Shabakada wararka ee Halgan ee Ku sugan Magaalada Boosaaso M_M_Deeq iyadoo kulankaas loo diiday saxaafada.

Magaalada Laascaano ayaa waxaa ay u muuqataa mid ay la soo gudboonaatay jahwareer iyo Cabsi dagaal oo ay qabaan dadka ku sugan Magaalada Laas caano oo ay ka baqayaan in lagu kor dagaalamo taas oo sababi karta dhibaato naf iyo maal leh oo soo gaarta bulshada ku dhaqan Magaalada Laascaano iyo nawaaxigeeda.

Advertisements