usa
Ciidamo Mareykan a

Ciidamada militeriga ee Mareykanka ayaa sheegay in mid ka mid ah maraakiibtooda dagaalka uu caawiyey shaqaalaha markab laga lahaa waqooyiga Kuuriya.

Shaqaalaha markabka saarnaa ayaa la dagaalamay kooxda afduubtay si ay dib u hantaan maamulka markabka sida ay ku warantay wakaalada wararka ee AP.

Diyaarada qumaatiga u kaca ayaa ka soo duulay markabka USS James si ay u baaraan teleefoon u soo dhacay oo sheegayay markabka la afduubtay.

Warbixin ay soo saareen militeriga Mareykanka ayaa lagu sheegay in ciidamada Mareykanku ay ka awood badiyeen burcad badeeda af duubay markabka, iyagoo dilay laba ka mid burcada.

Warbixin hordhac ah ayaa sheegtay in sidoo kale shan ka mid ah burcada la qabtay sida ay ku warameen militeriga Mareykanka.

Sadex ka mid ah shaqaalihii markabka oo qaba dhaawac xun ayaa la soo saaray markabka Mareykanka.

BBCSOMALI

Advertisements